CUANDO ESTÁBAMOS EN LA GLORIA

Ahora que se han acabado las navidades y el mundo de los niños y no tan niños, está plagado de regalos, que nos alegran la vista y son tan necesarios para mantener en ellos la ilusión, que probablemente no volverán a tener, cuando esta se pierda, bueno seria recordarles y recordarnos, que hay otros valores, como la amistad, el dialogo, el juego, que crean esos momentos irrepetibles que surgen de manera espontánea y que nadie a programado.
Que bonito era aquello de jugar a la peonza, los platillos, los cartones, la rayuela, la semana, al mocho al rozo la zuela, al escondite, a la pita ciega, a marro, al burro a baldelamula corría, a juanito el esquilador, a guardar el melonar, al gua, a los terrones en los olivares, a hacer nidos de cigüeñas, al pelotazo, a las siete y media, a churros picos palmas, a correr conduciendo el aro con la guía a hacer carros con cañas y latas de sardinas, zancos con palos y botes de leche condensada, para poder meterse por los charcos, a la pelota en plena calle, las niñas cantando bellas canciones acompasando estas al salto de la comba, jugando a las casitas, a ser madres, elaborando muñecas de trapo y tantas y tantas cosas más que se me hayan olvidado, y que aquí podéis recordar añadiendo los juegos omitidos y explicando como se jugaban, porque todo esto se ha perdido o se esta perdiendo, de manera irrecuperable, cierto es que los tiempos han cambiado y pobre quien no cambie y se quede estancado, pero es bueno que al menos quede algún testimonio, para recordar como eran esos tiempos, que aunque no fueran muy buenos, había momentos en que la felicidad se lograba de manera sencilla, sin que costase dinero, o que intervinieran factores ajenos.


CUANDU ESTÁBAMUS EN LA GLORIA

Corrían los añus cincuenta,
güenu, correl, lo que s'ici correl
no's que corrieran, la verdá sea dicha,
pongamus que más bien
es pol llamalu d'algún modu,
o pá decilu d'alguna manera,
de tós es más que sabíu
qu'éstu de lus añus es com'una feria,
sigún le va'unu asín lo'nterpreta,
pá unus transitan mú lentus,
pá otrus avanzan más qu'apríesa.

A ecil verdá, nusotrus éramus
quienis corríamus trasellus
comu liebris que se las pelan,
al menus esu creíamus antoncis
cuandu mirábamus las cosas
dende la prespestiva infantil
que da la falta d'experencia,
sin alcanzal a'ntendel,
ni a dalmus cuenta tan siquiera,
qu'eran ellus y las circustancias
quienis mos adelantaban
más apríesa de lo que debieran.

A'nqu'eran tiempus de juegus,
de puericia y d'escuela,
a vecis no queríamus sel muchachus,
en jacelmus grandis y juertis
la menti teníamus puesta,
pretendíamus llegal mú lejus
sin recabal en lo qu'hay más cerca,
quién poía imaginal
qu'enun trechu no mú lejanu
esta etapa tan tierna y angelical
tan de menus la jueramus a'chal.

Porentoncis el ímpetu mos arrastraba
d'un láu pa otru a retozal,
cualquiel pretestu servía,
no'mportaba sitíu ni lugal,
no teníamus más fronteras
qu'aquéllas que no s'alcanzan a imaginal,
desempedrandu callis y callejas
íbamus d'aquí p'allá,
alborotandu plazas y plazuelas
golvíamus d'allá p'acá.

Así jue qu'una tibia mañana d'inviernu
en que sin sabel mú bien porqué,
la magia de lus juegus
apenas si contagiaba
y no abarcaba su embruju
a'nvolvel las voracis apetencias
que demandaba nuestra sed,
'hora aquí luegu allá comenzamus
a d'ambulal pol callejuelas
y sin paral de correl
a la puerta de tía T'odosia
con nuestras tiernezuelas posaderas
juimus a cael.

Y lo mesmu qu'agua clara
que recién salía del manantial,
salvandu los vericuetus y zancaillas
qu'el terrenu le depara,
pol regatus y arroyuelus
generosamenti s'esparrama
sin qu'escatimi esfuerzus
ni posiblis perus que le valgan,
pos lo mesmu,
lo mesmitu el sol s'acercaba
con sus majestuosus rayus
y de manera cegaöra
ansomaba su enormi gaita
porencima los tejáus
y chimeneas de las casas
pá llegal encallejonáu junt'a nusotrus
poresa'speci d'embu
que s'ensancha caves más
dend'el mesmu rollu
jasta la puerta del Te'dorinu
con la de Doña Amalia.

Allí sentaïnus cara'l sol
sobri la cuasi reönda losa de cantería
que s'anteponi al umbral,
nuestrus cuerpecinus irradiáus
y calentáus pol su fulgol
percibían una fina sensación de bienestar,
y en aquel bellu momentu
del que nunca me llegaré a olvíal,
algui'n exclamó con candol
dende la parti d'atrás,

- ¡ Qué bien !
¡ Aquí s'está cómu en la Gloria !
- ¡Es verdá! ¡ S'está; cómu en la Gloria !
Reconocimus los demás.

A'quél lugal acuíamus
caves qu'en la Gloria queríamus estal,
allí contábamus cuentus,
y fantásticas historias qu'alos viejus
l'habíamus oíu contal,
parlábamus de bobás y tontás,
reñíamus, peleábamus,
llorábamus, reíamus, cantábamus
y milis y milis de cosas más.

Hoy la Gloria sigui en el mesmu sitíu
y el sol po las mañanas
en s'umbral güelvi a brillal
peru tengu el presentimientu
de qu'hoy endía los muchachus
no se sientan en ella a jugal,
y me da qu'aunque sean mú felicis
no l'ancanzan a tocal.

Cómu esta hay otras muchas Glorias,
en cá puerta, en cá calli,
en cá lugal en qu'haya unus niñus
que se pongan a jugal,
allí la Gloria estará.

Ya sé qu'aquellus tiempus sé juerun,
y han queáu mú pa'trás,
ya no nesecitan creal juguetis
pa luegu poél jugal,
n'imaginal fantasías
que les llevin ma'jallá,
nuestras fabricas de sueñus
pa ellus son una realidá.

No'staría mal qu'echaran
de cuandu en cuandu
una miraína pa'trás,
no'smalu y es provechosu
el sabelsi conformal.

Los ángilis d'hoy día
pué qu'estén en la Gloria
peru me paéci qu'enella
no logran moral.